פסוקים על Unity of God: His unparalleled election and care of his people

כי שאל נא לימים ראשנים אשר היו לפניך למן היום אשר ברא אלהים אדם על הארץ ולמקצה השמים ועד קצה השמים הנהיה כדבר הגדול הזה או הנשמע כמהו׃

השמע עם קול אלהים מדבר מתוך האש כאשר שמעת אתה ויחי׃

או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשר עשה לכם יהוה אלהיכם במצרים לעיניך׃

אתה הראת לדעת כי יהוה הוא האלהים אין עוד מלבדו׃