פסוקים על The Glory of God

9 פסוקים · 22 היבטים

פסוקי מפתח

  1. שְׁמֹות ל״ג:י״ח

    ויאמר הראני נא את כבדך׃

  2. שְׁמֹות ל״ג:י״ט

    ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם׃

  3. שְׁמֹות ל״ג:כ׳

    ויאמר לא תוכל לראת את פני כי לא יראני האדם וחי׃

  4. שְׁמֹות ל״ג:כ״א

    ויאמר יהוה הנה מקום אתי ונצבת על הצור׃

  5. שְׁמֹות ל״ג:כ״ב

    והיה בעבר כבדי ושמתיך בנקרת הצור ושכתי כפי עליך עד עברי׃

  6. שְׁמֹות ל״ג:כ״ג

    והסרתי את כפי וראית את אחרי ופני לא יראו׃

  7. שְׁמֹות ל״ד:ה׳

    וירד יהוה בענן ויתיצב עמו שם ויקרא בשם יהוה׃

  8. שְׁמֹות ל״ד:ו׳

    ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

  9. שְׁמֹות ל״ד:ז׳

    נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃