פסוקים על The Deluge: Sent as a punishment for the extreme wickedness of man

וירא יהוה כי רבה רעת האדם בארץ וכל יצר מחשבת לבו רק רע כל היום׃

וינחם יהוה כי עשה את האדם בארץ ויתעצב אל לבו׃

ויאמר יהוה אמחה את האדם אשר בראתי מעל פני האדמה מאדם עד בהמה עד רמש ועד עוף השמים כי נחמתי כי עשיתם׃

ותשחת הארץ לפני האלהים ותמלא הארץ חמס׃

וירא אלהים את הארץ והנה נשחתה כי השחית כל בשר את דרכו על הארץ׃

ויאמר אלהים לנח קץ כל בשר בא לפני כי מלאה הארץ חמס מפניהם והנני משחיתם את הארץ׃