פסוקים על The Day Of Atonement

11 פסוקים · 12 היבטים

פסוקי מפתח

  1. וַיִּקְרָא ט״ז:ה׳

    ומאת עדת בני ישראל יקח שני שעירי עזים לחטאת ואיל אחד לעלה׃

  2. וַיִּקְרָא ט״ז:ו׳

    והקריב אהרן את פר החטאת אשר לו וכפר בעדו ובעד ביתו׃

  3. וַיִּקְרָא ט״ז:ז׳

    ולקח את שני השעירם והעמיד אתם לפני יהוה פתח אהל מועד׃

  4. וַיִּקְרָא ט״ז:ח׳

    ונתן אהרן על שני השעירם גורלות גורל אחד ליהוה וגורל אחד לעזאזל׃

  5. וַיִּקְרָא ט״ז:ט׳

    והקריב אהרן את השעיר אשר עלה עליו הגורל ליהוה ועשהו חטאת׃

  6. וַיִּקְרָא ט״ז:י׳

    והשעיר אשר עלה עליו הגורל לעזאזל יעמד חי לפני יהוה לכפר עליו לשלח אתו לעזאזל המדברה׃

  7. וַיִּקְרָא ט״ז:י״א

    והקריב אהרן את פר החטאת אשר לו וכפר בעדו ובעד ביתו ושחט את פר החטאת אשר לו׃

  8. וַיִּקְרָא ט״ז:י״ב

    ולקח מלא המחתה גחלי אש מעל המזבח מלפני יהוה ומלא חפניו קטרת סמים דקה והביא מבית לפרכת׃

  9. וַיִּקְרָא ט״ז:י״ג

    ונתן את הקטרת על האש לפני יהוה וכסה ענן הקטרת את הכפרת אשר על העדות ולא ימות׃

  10. וַיִּקְרָא ט״ז:י״ד

    ולקח מדם הפר והזה באצבעו על פני הכפרת קדמה ולפני הכפרת יזה שבע פעמים מן הדם באצבעו׃

  11. וַיִּקְרָא ט״ז:ט״ו

    ושחט את שעיר החטאת אשר לעם והביא את דמו אל מבית לפרכת ועשה את דמו כאשר עשה לדם הפר והזה אתו על הכפרת ולפני הכפרת׃