פסוקים על Malachi

9 פסוקים · 2 היבטים

פסוקי מפתח

מַלְאָכִי ג׳:ז׳
למימי אבתיכם סרתם מחקי ולא שמרתם שובו אלי ואשובה אליכם אמר יהוה צבאות ואמרתם במה נשוב׃
מַלְאָכִי ג׳:ח׳
היקבע אדם אלהים כי אתם קבעים אתי ואמרתם במה קבענוך המעשר והתרומה׃
מַלְאָכִי ג׳:ט׳
במארה אתם נארים ואתי אתם קבעים הגוי כלו׃
מַלְאָכִי ג׳:י׳
הביאו את כל המעשר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השמים והריקתי לכם ברכה עד בלי די׃
מַלְאָכִי ג׳:י״א
וגערתי לכם באכל ולא ישחת לכם את פרי האדמה ולא תשכל לכם הגפן בשדה אמר יהוה צבאות׃
מַלְאָכִי ג׳:י״ב
ואשרו אתכם כל הגוים כי תהיו אתם ארץ חפץ אמר יהוה צבאות׃
מַלְאָכִי ג׳:י״ג
חזקו עלי דבריכם אמר יהוה ואמרתם מה נדברנו עליך׃
מַלְאָכִי ג׳:י״ד
אמרתם שוא עבד אלהים ומה בצע כי שמרנו משמרתו וכי הלכנו קדרנית מפני יהוה צבאות׃
מַלְאָכִי ג׳:ט״ו
ועתה אנחנו מאשרים זדים גם נבנו עשי רשעה גם בחנו אלהים וימלטו׃