פסוקים על Lamech: 1. Father of Jabal, Jubal, and Tubal-Cain

ויולד לחנוך את עירד ועירד ילד את מחויאל ומחייאל ילד את מתושאל ומתושאל ילד את למך׃

ויקח לו למך שתי נשים שם האחת עדה ושם השנית צלה׃

ותלד עדה את יבל הוא היה אבי ישב אהל ומקנה׃

ושם אחיו יובל הוא היה אבי כל תפש כנור ועוגב׃

וצלה גם הוא ילדה את תובל קין לטש כל חרש נחשת וברזל ואחות תובל קין נעמה׃

ויאמר למך לנשיו עדה וצלה שמען קולי נשי למך האזנה אמרתי כי איש הרגתי לפצעי וילד לחברתי׃

כי שבעתים יקם קין ולמך שבעים ושבעה׃