פסוקים על Hanan

9 פסוקים · 6 היבטים

פסוקי מפתח

  1. יִרְמְיָהוּ ל״ה:ב׳

    הלוך אל בית הרכבים ודברת אותם והבאותם בית יהוה אל אחת הלשכות והשקית אותם יין׃

  2. יִרְמְיָהוּ ל״ה:ג׳

    ואקח את יאזניה בן ירמיהו בן חבצניה ואת אחיו ואת כל בניו ואת כל בית הרכבים׃

  3. יִרְמְיָהוּ ל״ה:ד׳

    ואבא אתם בית יהוה אל לשכת בני חנן בן יגדליהו איש האלהים אשר אצל לשכת השרים אשר ממעל ללשכת מעשיהו בן שלם שמר הסף׃

  4. יִרְמְיָהוּ ל״ה:ה׳

    ואתן לפני בני בית הרכבים גבעים מלאים יין וכסות ואמר אליהם שתו יין׃

  5. יִרְמְיָהוּ ל״ה:ו׳

    ויאמרו לא נשתה יין כי יונדב בן רכב אבינו צוה עלינו לאמר לא תשתו יין אתם ובניכם עד עולם׃

  6. יִרְמְיָהוּ ל״ה:ז׳

    ובית לא תבנו וזרע לא תזרעו וכרם לא תטעו ולא יהיה לכם כי באהלים תשבו כל ימיכם למען תחיו ימים רבים על פני האדמה אשר אתם גרים שם׃

  7. יִרְמְיָהוּ ל״ה:ח׳

    ונשמע בקול יהונדב בן רכב אבינו לכל אשר צונו לבלתי שתות יין כל ימינו אנחנו נשינו בנינו ובנתינו׃

  8. יִרְמְיָהוּ ל״ה:ט׳

    ולבלתי בנות בתים לשבתנו וכרם ושדה וזרע לא יהיה לנו׃

  9. יִרְמְיָהוּ ל״ה:י׳

    ונשב באהלים ונשמע ונעש ככל אשר צונו יונדב אבינו׃