פסוקים על Groves

9 פסוקים · 19 היבטים

פסוקי מפתח

  1. שֹׁפְטִים ו׳:כ״ה

    ויהי בלילה ההוא ויאמר לו יהוה קח את פר השור אשר לאביך ופר השני שבע שנים והרסת את מזבח הבעל אשר לאביך ואת האשרה אשר עליו תכרת׃

  2. שֹׁפְטִים ו׳:כ״ו

    ובנית מזבח ליהוה אלהיך על ראש המעוז הזה במערכה ולקחת את הפר השני והעלית עולה בעצי האשרה אשר תכרת׃

  3. שֹׁפְטִים ו׳:כ״ז

    ויקח גדעון עשרה אנשים מעבדיו ויעש כאשר דבר אליו יהוה ויהי כאשר ירא את בית אביו ואת אנשי העיר מעשות יומם ויעש לילה׃

  4. שֹׁפְטִים ו׳:כ״ח

    וישכימו אנשי העיר בבקר והנה נתץ מזבח הבעל והאשרה אשר עליו כרתה ואת הפר השני העלה על המזבח הבנוי׃

  5. 2 מְלָכִים כ״א:ג׳

    וישב ויבן את הבמות אשר אבד חזקיהו אביו ויקם מזבחת לבעל ויעש אשרה כאשר עשה אחאב מלך ישראל וישתחו לכל צבא השמים ויעבד אתם׃

  6. 2 מְלָכִים כ״א:ד׳

    ובנה מזבחת בבית יהוה אשר אמר יהוה בירושלם אשים את שמי׃

  7. 2 מְלָכִים כ״א:ה׳

    ויבן מזבחות לכל צבא השמים בשתי חצרות בית יהוה׃

  8. 2 מְלָכִים כ״א:ו׳

    והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃

  9. 2 מְלָכִים כ״א:ז׳

    וישם את פסל האשרה אשר עשה בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם׃