פסוקים על Evidence

9 פסוקים · 1 היבט

פסוקי מפתח

  1. דְּבָרִים י״ז:ו׳

    על פי שנים עדים או שלשה עדים יומת המת לא יומת על פי עד אחד׃

  2. דְּבָרִים י״ז:ז׳

    יד העדים תהיה בו בראשנה להמיתו ויד כל העם באחרנה ובערת הרע מקרבך׃

  3. דְּבָרִים י״ט:ט״ו

    לא יקום עד אחד באיש לכל עון ולכל חטאת בכל חטא אשר יחטא על פי שני עדים או על פי שלשה עדים יקום דבר׃

  4. דְּבָרִים י״ט:ט״ז

    כי יקום עד חמס באיש לענות בו סרה׃

  5. דְּבָרִים י״ט:י״ז

    ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם׃

  6. דְּבָרִים י״ט:י״ח

    ודרשו השפטים היטב והנה עד שקר העד שקר ענה באחיו׃

  7. דְּבָרִים י״ט:י״ט

    ועשיתם לו כאשר זמם לעשות לאחיו ובערת הרע מקרבך׃

  8. דְּבָרִים י״ט:כ׳

    והנשארים ישמעו ויראו ולא יספו לעשות עוד כדבר הרע הזה בקרבך׃

  9. דְּבָרִים י״ט:כ״א

    ולא תחוס עינך נפש בנפש עין בעין שן בשן יד ביד רגל ברגל׃