Ehud

ויזעקו בני ישראל אל יהוה ויקם יהוה להם מושיע את אהוד בן גרא בן הימיני איש אטר יד ימינו וישלחו בני ישראל בידו מנחה לעגלון מלך מואב׃

ויעש לו אהוד חרב ולה שני פיות גמד ארכה ויחגר אותה מתחת למדיו על ירך ימינו׃

ואהוד בא אליו והוא ישב בעלית המקרה אשר לו לבדו ויאמר אהוד דבר אלהים לי אליך ויקם מעל הכסא׃

וישלח אהוד את יד שמאלו ויקח את החרב מעל ירך ימינו ויתקעה בבטנו׃

ויצא אהוד המסדרונה ויסגר דלתות העליה בעדו ונעל׃

ואהוד נמלט עד התמהמהם והוא עבר את הפסילים וימלט השעירתה׃

¶ ויספו בני ישראל לעשות הרע בעיני יהוה ואהוד מת׃

ואלה בני אחוד אלה הם ראשי אבות ליושבי גבע ויגלום אל מנחת׃