Zaburi 67
Sala ya Baraka na Nuru ya Mungu 1–2
1
Kwa mwimbishaji. Na ala za nyuzi za muziki. Zaburi. Wimbo. Mungu aturehemu na kutubariki, na kutuangazia nuru za uso wake,
2
ili njia zako zijulikane duniani, wokovu wako katikati ya mataifa yote.
Wito kwa Mataifa Kumsifu Mungu 3–5
3
Ee Mungu, mataifa na wakusifu, mataifa yote na wakusifu.
4
Mataifa yote wafurahi na kuimba kwa shangwe, kwa kuwa unatawala watu kwa haki na kuongoza mataifa ya dunia.
5
Ee Mungu, mataifa na wakusifu, mataifa yote na wakusifu.
Matunda ya Baraka za Mungu 6–7
6
Ndipo nchi itatoa mazao yake, naye Mungu, Mungu wetu, atatubariki.
7
Mungu atatubariki na miisho yote ya dunia itamcha yeye.
Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.
Study note