עברית

תְהִלִּיםקמ״ה

נדר להלל עולם

א׳
תהלה לדוד ארוממך אלוהי המלך ואברכה שמך לעולם ועד׃
ב׳
בכל יום אברכך ואהללה שמך לעולם ועד׃
ג׳
גדול יהוה ומהלל מאד ולגדלתו אין חקר׃

הכרזה על מעשי האל הגבור

ד׳
דור לדור ישבח מעשיך וגבורתיך יגידו׃
ה׳
הדר כבוד הודך ודברי נפלאותיך אשיחה׃
ו׳
ועזוז נוראתיך יאמרו וגדולתיך אספרנה׃
ז׳
זכר רב טובך יביעו וצדקתך ירננו׃

חסד ה׳ ומלכותו

ח׳
חנון ורחום יהוה ארך אפים וגדל חסד׃
ט׳
טוב יהוה לכל ורחמיו על כל מעשיו׃
י׳
יודוך יהוה כל מעשיך וחסידיך יברכוכה׃
י״א
כבוד מלכותך יאמרו וגבורתך ידברו׃
י״ב
להודיע לבני האדם גבורתיו וכבוד הדר מלכותו׃
י״ג
מלכותך מלכות כל עלמים וממשלתך בכל דור ודור׃

האל סומך את הנאמנים ועונה להם

י״ד
סומך יהוה לכל הנפלים וזוקף לכל הכפופים׃
ט״ו
עיני כל אליך ישברו ואתה נותן להם את אכלם בעתו׃
ט״ז
פותח את ידך ומשביע לכל חי רצון׃
י״ז
צדיק יהוה בכל דרכיו וחסיד בכל מעשיו׃
י״ח
קרוב יהוה לכל קראיו לכל אשר יקראהו באמת׃
י״ט
רצון יראיו יעשה ואת שועתם ישמע ויושיעם׃
כ׳
שומר יהוה את כל אהביו ואת כל הרשעים ישמיד׃

התחייבות אחרונה להלל כל העולם

כ״א
תהלת יהוה ידבר פי ויברך כל בשר שם קדשו לעולם ועד׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options