עברית

תְהִלִּים קל״ח

נדר הודיה אישי א׳–ג׳

א׳
לדוד אודך בכל לבי נגד אלהים אזמרך׃
ב׳
אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך׃
ג׳
ביום קראתי ותענני תרהבני בנפשי עז׃

הלל כל העמים על מידות האל ד׳–ו׳

ד׳
יודוך יהוה כל מלכי ארץ כי שמעו אמרי פיך׃
ה׳
וישירו בדרכי יהוה כי גדול כבוד יהוה׃
ו׳
כי רם יהוה ושפל יראה וגבה ממרחק יידע׃

ביטחון בחסד האל לעולם ז׳–ח׳

ז׳
אם אלך בקרב צרה תחיני על אף איבי תשלח ידך ותושיעני ימינך׃
ח׳
יהוה יגמר בעדי יהוה חסדך לעולם מעשי ידיך אל תרף׃

נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל