יְחֶזְקֵאלח׳

מסעו של יחזקאל בחזון לירושלים

א׳
ויהי בשנה הששית בששי בחמשה לחדש אני יושב בביתי וזקני יהודה יושבים לפני ותפל עלי שם יד אדני יהוה׃
ב׳
ואראה והנה דמות כמראה אש ממראה מתניו ולמטה אש וממתניו ולמעלה כמראה זהר כעין החשמלה׃
ג׳
וישלח תבנית יד ויקחני בציצת ראשי ותשא אתי רוח בין הארץ ובין השמים ותבא אתי ירושלמה במראות אלהים אל פתח שער הפנימית הפונה צפונה אשר שם מושב סמל הקנאה המקנה׃
ד׳
והנה שם כבוד אלהי ישראל כמראה אשר ראיתי בבקעה׃

תועבת פסל הקנאה

ה׳
ויאמר אלי בן אדם שא נא עיניך דרך צפונה ואשא עיני דרך צפונה והנה מצפון לשער המזבח סמל הקנאה הזה בבאה׃
ו׳
ויאמר אלי בן אדם הראה אתה מהם עשים תועבות גדלות אשר בית ישראל עשים פה לרחקה מעל מקדשי ועוד תשוב תראה תועבות גדלות׃

עבודת האלילים הנסתרת של הזקנים

ז׳
ויבא אתי אל פתח החצר ואראה והנה חר אחד בקיר׃
ח׳
ויאמר אלי בן אדם חתר נא בקיר ואחתר בקיר והנה פתח אחד׃
ט׳
ויאמר אלי בא וראה את התועבות הרעות אשר הם עשים פה׃
י׳
ואבוא ואראה והנה כל תבנית רמש ובהמה שקץ וכל גלולי בית ישראל מחקה על הקיר סביב סביב׃
י״א
ושבעים איש מזקני בית ישראל ויאזניהו בן שפן עמד בתוכם עמדים לפניהם ואיש מקטרתו בידו ועתר ענן הקטרת עלה׃
י״ב
ויאמר אלי הראית בן אדם אשר זקני בית ישראל עשים בחשך איש בחדרי משכיתו כי אמרים אין יהוה ראה אתנו עזב יהוה את הארץ׃
י״ג
ויאמר אלי עוד תשוב תראה תועבות גדלות אשר המה עשים׃

הנשים המבכות את התמוז

י״ד
ויבא אתי אל פתח שער בית יהוה אשר אל הצפונה והנה שם הנשים ישבות מבכות את התמוז׃
ט״ו
ויאמר אלי הראית בן אדם עוד תשוב תראה תועבות גדלות מאלה׃

האנשים המשתחווים לשמש

ט״ז
ויבא אתי אל חצר בית יהוה הפנימית והנה פתח היכל יהוה בין האולם ובין המזבח כעשרים וחמשה איש אחריהם אל היכל יהוה ופניהם קדמה והמה משתחויתם קדמה לשמש׃
י״ז
ויאמר אלי הראית בן אדם הנקל לבית יהודה מעשות את התועבות אשר עשו פה כי מלאו את הארץ חמס וישבו להכעיסני והנם שלחים את הזמורה אל אפם׃

הכרזת משפטו הסופי של אלוהים

י״ח
וגם אני אעשה בחמה לא תחוס עיני ולא אחמל וקראו באזני קול גדול ולא אשמע אותם׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options