Zabura 82
Allah yana hukunta taron alloli 1–2
1
Zabura ta Asaf. Allah yana shugabanta cikin babban taro; yakan zartar da hukunci a cikin “alloli”.
2
“Har yaushe za ku kāre marasa adalci ku kuma goyi bayan mugaye? Sela
Kira ga yin adalci a duniya 3–5
3
Ku tsare mutuncin marasa ƙarfi da marayu; ku kāre hakkin matalauta da waɗanda ake danniya.
4
Ku ceci marasa ƙarfi da masu bukata; ku kuɓutar da su daga hannun mugaye.
5
“Ba su san kome ba, ba su fahimci kome ba. Suna yawo cikin duhu; an girgiza dukan tussan duniya.
Hukuncin mutuwa 6–8
6
“Na ce, ‘Ku “alloli” ne; dukanku ’ya’yan Mafi Ɗaukaka’ ne.
7
Amma za ku mutu kamar mutum kurum; za ku fāɗi kamar duk wani mai mulki.”
8
Ka tashi, ya Allah, ka shari’anta duniya, gama dukan al’ummai gādonka ne.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.
Study note