Mga Awit 91:5-10
5
Ikaw ay hindi matatakot sa kakilabutan sa gabi, ni sa pana man na humihilagpos kung araw;
6
Dahil sa salot na dumarating sa kadiliman, ni dahil sa paggiba man na sumisira sa katanghaliang tapat.
7
Isang libo ay mabubuwal sa iyong siping, at sangpung libo sa iyong kanan; nguni't hindi lalapit sa iyo.
8
Iyong mamamasdan lamang ng iyong mga mata, at iyong makikita ang ganti sa masama.
9
Sapagka't ikaw, Oh Panginoon, ay aking kanlungan! Iyong ginawa ang Kataastaasan na iyong tahanan;
10
Walang kasamaang mangyayari sa iyo, ni anomang salot ay lalapit sa iyong tolda.
Teksto ng Bibliya: Ang Dating Biblia (1905) · Pampublikong domain
Settings