TRV
Psalmet 147:12-20
12
Lëvdo Zotin, o Jeruzalem, kremto Perëndinë tënd, o Sion.
13
Sepse ai ka përforcuar shufrat e portave të tua dhe ka bekuar bijtë e tu në mes teje.
14
Ai e ruan paqen brenda kufijve të tu dhe të ngop me grurin më të mirë.
15
Dërgon mbi tokë urdhërin e tij, fjala e tij merr dheun.
16
Dërgon borën si lesh dhe përhap brymën si hi.
17
Hedh breshërin e tij si me copa; kush mund t'i bëjë ballë të ftohtit të tij?
18
Dërgon fjalën e tij dhe i shkrin ato; bën që të fryjë era e tij, dhe ujërat rrjedhin.
19
Ai ia ka bërë të njohur Jakobit fjalën e tij, dhe Izraelit statutet e tij dhe dekretet e tij.
20
Ai nuk e ka bërë këtë me asnjë komb tjetër; dhe ato nuk i njohin dekretet e tij. Aleluja.
Settings