TRV
इय्योब २९:२१-२५
२१
“लोक माझे बोलणे उत्सुकतेने ऐकत, माझ्या सल्ल्याची शांतीने वाट बघत.
२२
माझे बोलणे संपल्यावर; माझे शब्द त्यांच्या कानावर पडल्यावर ते पुन्हा बोलत नसत.
२३
पावसाच्या वर्षावाची पाहावी, तशी ते माझी वाट पाहत माझे शब्द ते वसंत ऋतुतील पावसासारखे प्राशन करीत.
२४
मी त्यांच्याकडे हसतमुखाने बघितल्यास ते विश्वास करीत नसत; माझे मुखतेज त्यांना मोलाचे वाटे.
२५
त्यांचा पुढारी म्हणून मी त्यांच्याबरोबर बसून त्यांना मार्गदर्शन केले; त्यांच्या सैन्याचा राजा म्हणून मी त्यांच्यात वास केला; शोक करणार्यांचे सांत्वन करणारा असा मी होतो.
Settings