קריאה לתשובה

זְכַרְיָה א׳:א׳-ו׳

קריאה לתשובה

א׳

¶ בחדש השמיני בשנת שתים לדריוש היה דבר יהוה אל זכריה בן ברכיה בן עדו הנביא לאמר׃

ב׳

קצף יהוה על אבותיכם קצף׃

ג׳

ואמרת אלהם כה אמר יהוה צבאות שובו אלי נאם יהוה צבאות ואשוב אליכם אמר יהוה צבאות׃

ד׳

אל תהיו כאבתיכם אשר קראו אליהם הנביאים הראשנים לאמר כה אמר יהוה צבאות שובו נא מדרכיכם הרעים ומעליליכם הרעים ולא שמעו ולא הקשיבו אלי נאם יהוה׃

ה׳

אבותיכם איה הם והנבאים הלעולם יחיו׃

ו׳

אך דברי וחקי אשר צויתי את עבדי הנביאים הלוא השיגו אבתיכם וישובו ויאמרו כאשר זמם יהוה צבאות לעשות לנו כדרכינו וכמעללינו כן עשה אתנו׃

קרא פרק מלא א׳

לימוד הקטע

פירוש על הקטע כולו, לא על פסוק בודד

היכן עוד הכתוב אומר זאת

מַלְאָכִי ג׳:ז׳
למימי אבתיכם סרתם מחקי ולא שמרתם שובו אלי ואשובה אליכם אמר יהוה צבאות ואמרתם במה נשוב׃
מפסוק ג׳
יִרְמְיָהוּ ג׳:כ״ב
שובו בנים שובבים ארפה משובתיכם הננו אתנו לך כי אתה יהוה אלהינו׃
מפסוק ג׳
אֵיכָה ב׳:י״ז
עשה יהוה אשר זמם בצע אמרתו אשר צוה מימי קדם הרס ולא חמל וישמח עליך אויב הרים קרן צריך׃
מפסוק ו׳
תְהִלִּים ע״ח:ח׳
ולא יהיו כאבותם דור סורר ומרה דור לא הכין לבו ולא נאמנה את אל רוחו׃
מפסוק ד׳
יִרְמְיָהוּ ד׳:א׳
¶ אם תשוב ישראל נאם יהוה אלי תשוב ואם תסיר שקוציך מפני ולא תנוד׃
מפסוק ג׳
יוֹאֵל ב׳:י״ב
וגם עתה נאם יהוה שבו עדי בכל לבבכם ובצום ובבכי ובמספד׃
מפסוק ג׳
דְּבָרִים כ״ח:ט״ו
והיה אם לא תשמע בקול יהוה אלהיך לשמר לעשות את כל מצותיו וחקתיו אשר אנכי מצוך היום ובאו עליך כל הקללות האלה והשיגוך׃
מפסוק ו׳
יְחֶזְקֵאל י״ב:כ״ה
כי אני יהוה אדבר את אשר אדבר דבר ויעשה לא תמשך עוד כי בימיכם בית המרי אדבר דבר ועשיתיו נאם אדני יהוה׃
מפסוק ו׳
יְחֶזְקֵאל י״ב:כ״ח
לכן אמר אליהם כה אמר אדני יהוה לא תמשך עוד כל דברי אשר אדבר דבר ויעשה נאם אדני יהוה׃
מפסוק ו׳
דְּבָרִים ל׳:ב׳
ושבת עד יהוה אלהיך ושמעת בקלו ככל אשר אנכי מצוך היום אתה ובניך בכל לבבך ובכל נפשך׃
מפסוק ג׳
דְּבָרִים ל׳:י׳
כי תשמע בקול יהוה אלהיך לשמר מצותיו וחקתיו הכתובה בספר התורה הזה כי תשוב אל יהוה אלהיך בכל לבבך ובכל נפשך׃
מפסוק ג׳
יִרְמְיָהוּ כ״ג:כ׳
לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה׃
מפסוק ו׳

קריאה לתשובה

קריאה לתשובה

לימוד הקטע

מַלְאָכִי ג׳:ז׳

יִרְמְיָהוּ ג׳:כ״ב

אֵיכָה ב׳:י״ז

תְהִלִּים ע״ח:ח׳

יִרְמְיָהוּ ד׳:א׳

יוֹאֵל ב׳:י״ב

דְּבָרִים כ״ח:ט״ו

יְחֶזְקֵאל י״ב:כ״ה

יְחֶזְקֵאל י״ב:כ״ח

דְּבָרִים ל׳:ב׳

דְּבָרִים ל׳:י׳

יִרְמְיָהוּ כ״ג:כ׳

Reading Style

Typeface

Font Size 19px

Options