תְהִלִּים מ׳:ח׳

מציג את פסוק ח׳ עם ההקשר הסובב.

ה׳

רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר׃

ו׳

זבח ומנחה לא חפצת אזנים כרית לי עולה וחטאה לא שאלת׃

ז׳

אז אמרתי הנה באתי במגלת ספר כתוב עלי׃

ח׳

לעשות רצונך אלהי חפצתי ותורתך בתוך מעי׃

ט׳

בשרתי צדק בקהל רב הנה שפתי לא אכלא יהוה אתה ידעת׃

י׳

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

י״א

אתה יהוה לא תכלא רחמיך ממני חסדך ואמתך תמיד יצרוני׃