תְהִלִּים קט״ו:ט׳-י״ח

ט׳

ישראל בטח ביהוה עזרם ומגנם הוא׃

י׳

בית אהרן בטחו ביהוה עזרם ומגנם הוא׃

י״א

יראי יהוה בטחו ביהוה עזרם ומגנם הוא׃

י״ב

יהוה זכרנו יברך יברך את בית ישראל יברך את בית אהרן׃

י״ג

יברך יראי יהוה הקטנים עם הגדלים׃

י״ד

יסף יהוה עליכם עליכם ועל בניכם׃

ט״ו

ברוכים אתם ליהוה עשה שמים וארץ׃

ט״ז

השמים שמים ליהוה והארץ נתן לבני אדם׃

י״ז

לא המתים יהללו יה ולא כל ירדי דומה׃

י״ח

ואנחנו נברך יה מעתה ועד עולם הללו יה׃