בְּמִדְבַּר ג׳:כ״ט-ל״ז

כ״ט

משפחת בני קהת יחנו על ירך המשכן תימנה׃

ל׳

ונשיא בית אב למשפחת הקהתי אליצפן בן עזיאל׃

ל״א

ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו׃

ל״ב

ונשיא נשיאי הלוי אלעזר בן אהרן הכהן פקדת שמרי משמרת הקדש׃

ל״ג

למררי משפחת המחלי ומשפחת המושי אלה הם משפחת מררי׃

ל״ד

ופקדיהם במספר כל זכר מבן חדש ומעלה ששת אלפים ומאתים׃

ל״ה

ונשיא בית אב למשפחת מררי צוריאל בן אביחיל על ירך המשכן יחנו צפנה׃

ל״ו

ופקדת משמרת בני מררי קרשי המשכן ובריחיו ועמדיו ואדניו וכל כליו וכל עבדתו׃

ל״ז

ועמדי החצר סביב ואדניהם ויתדתם ומיתריהם׃