בְּמִדְבַּר ג׳:כ״ה-ל״א

כ״ה

ומשמרת בני גרשון באהל מועד המשכן והאהל מכסהו ומסך פתח אהל מועד׃

כ״ו

וקלעי החצר ואת מסך פתח החצר אשר על המשכן ועל המזבח סביב ואת מיתריו לכל עבדתו׃

כ״ז

ולקהת משפחת העמרמי ומשפחת היצהרי ומשפחת החברני ומשפחת העזיאלי אלה הם משפחת הקהתי׃

כ״ח

במספר כל זכר מבן חדש ומעלה שמנת אלפים ושש מאות שמרי משמרת הקדש׃

כ״ט

משפחת בני קהת יחנו על ירך המשכן תימנה׃

ל׳

ונשיא בית אב למשפחת הקהתי אליצפן בן עזיאל׃

ל״א

ומשמרתם הארן והשלחן והמנרה והמזבחת וכלי הקדש אשר ישרתו בהם והמסך וכל עבדתו׃