בְּמִדְבַּר כ״ח:ה׳-י״א
ה׳
ועשירית האיפה סלת למנחה בלולה בשמן כתית רביעת ההין׃
ו׳
עלת תמיד העשיה בהר סיני לריח ניחח אשה ליהוה׃
ז׳
ונסכו רביעת ההין לכבש האחד בקדש הסך נסך שכר ליהוה׃
ח׳
ואת הכבש השני תעשה בין הערבים כמנחת הבקר וכנסכו תעשה אשה ריח ניחח ליהוה׃
ט׳
וביום השבת שני כבשים בני שנה תמימם ושני עשרנים סלת מנחה בלולה בשמן ונסכו׃
י׳
עלת שבת בשבתו על עלת התמיד ונסכה׃
י״א
ובראשי חדשיכם תקריבו עלה ליהוה פרים בני בקר שנים ואיל אחד כבשים בני שנה שבעה תמימם׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל