בְּמִדְבַּר ט״ז:ד׳-י״א

ד׳

וישמע משה ויפל על פניו׃

ה׳

וידבר אל קרח ואל כל עדתו לאמר בקר וידע יהוה את אשר לו ואת הקדוש והקריב אליו ואת אשר יבחר בו יקריב אליו׃

ו׳

זאת עשו קחו לכם מחתות קרח וכל עדתו׃

ז׳

ותנו בהן אש ושימו עליהן קטרת לפני יהוה מחר והיה האיש אשר יבחר יהוה הוא הקדוש רב לכם בני לוי׃

ח׳

ויאמר משה אל קרח שמעו נא בני לוי׃

ט׳

המעט מכם כי הבדיל אלהי ישראל אתכם מעדת ישראל להקריב אתכם אליו לעבד את עבדת משכן יהוה ולעמד לפני העדה לשרתם׃

י׳

ויקרב אתך ואת כל אחיך בני לוי אתך ובקשתם גם כהנה׃

י״א

לכן אתה וכל עדתך הנעדים על יהוה ואהרן מה הוא כי תלונו עליו׃