הכרה בצדקת האלוהים ובעבדות בהווה

נחמיה ט׳:ל״ב-ל״ז

ל״ב

ועתה אלהינו האל הגדול הגבור והנורא שומר הברית והחסד אל ימעט לפניך את כל התלאה אשר מצאתנו למלכינו לשרינו ולכהנינו ולנביאנו ולאבתינו ולכל עמך מימי מלכי אשור עד היום הזה׃

ל״ג

ואתה צדיק על כל הבא עלינו כי אמת עשית ואנחנו הרשענו׃

ל״ד

ואת מלכינו שרינו כהנינו ואבתינו לא עשו תורתך ולא הקשיבו אל מצותיך ולעדותיך אשר העידת בהם׃

ל״ה

והם במלכותם ובטובך הרב אשר נתת להם ובארץ הרחבה והשמנה אשר נתת לפניהם לא עבדוך ולא שבו ממעלליהם הרעים׃

ל״ו

הנה אנחנו היום עבדים והארץ אשר נתתה לאבתינו לאכל את פריה ואת טובה הנה אנחנו עבדים עליה׃

ל״ז

ותבואתה מרבה למלכים אשר נתתה עלינו בחטאותינו ועל גויתינו משלים ובבהמתנו כרצונם ובצרה גדולה אנחנו׃

הכרה בצדקת האלוהים ובעבדות בהווה

Reading Style

Typeface

Font Size 19px

Reading Width 45 chars

Options