מתיו כ׳:א׳-ז׳

א׳

¶ כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

ב׳

והתנה עם הפעלים שכר דינר ליום וישלחם אל כרמו׃

ג׳

ויצא בשעה השלישית וירא אחרים עמדים בטלים בשוק׃

ד׳

ויאמר להם לכו גם אתם אל כרמי וכישר אתן לכם וילכו׃

ה׳

ויצא גם בשעה הששית גם בתשיעית ויעש כדבר הזה׃

ו׳

ויצא בשעת עשתי עשרה וימצא אחרים עמדים ויאמר אליהם למה אתם עמדים פה בטלים כל היום׃

ז׳

ויאמרו לו כי לא שכר אותנו איש ויאמר אליהם לכו גם אתם אל הכרם וכישר יתן לכם׃