הַבְּשׂוֹרָה הַקְּדוֹשָׁה עַל־פִּי מַרְקוֹס י״ב:ו׳-י״ב

ו׳

ויהי לו עוד בן יחיד אשר אהבו וישלח גם אתו אליהם באחרנה לאמר מפני בני יגורו׃

ז׳

והכרמים ההם אמרו איש אל רעהו הנה זה הוא היורש לכו ונהרגהו ולנו תהיה הירשה׃

ח׳

ויחזיקו בו ויהרגו אותו וישליכהו אל מחוץ לכרם׃

ט׳

ועתה מה יעשה בעל הכרם יבוא ויאבד את הכרמים ההם ויתן את הכרם לאחרים׃

י׳

הלא קראתם את הכתוב הזה אבן מאסו הבונים היתה לראש פנה׃

י״א

מאת יהוה היתה זאת היא נפלאת בעינינו׃

י״ב

ויבקשו לתפשו וייראו מפני העם יען אשר הבינו כי עליהם דבר את המשל הזה ויעזבהו וילכו להם׃