הבְּשׂוֹרָה הַקְּדוֹשָׁה עַל־פִּי לוּקָס ו׳:ל״ז-מ״ט

הבְּשׂוֹרָה הַקְּדוֹשָׁה עַל־פִּי לוּקָס ו׳:ל״ז-מ״ט

ל״ז
ואל תשפטו ולא תשפטו אל תחיבו ולא תחיבו נקו ותנקו׃
ל״ח
תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃
ל״ט
וישא משלו ויאמר אליהם היוכל עור לנהל את העור הלא יפלו שניהם אל הפחת׃
מ׳
אין תלמיד נעלה על רבו ודי לכל תלמיד שלם להיות כרבו׃
מ״א
ולמה זה אתה ראה את הקסם אשר בעין אחיך ואת הקורה בעינך לא תביט׃
מ״ב
ואיך תאמר אל אחיך אחי הניחה לי ואסירה את הקסם אשר בעינך ואינך ראה את הקורה אשר בעינך החנף הסר בראשונה את הקורה מעינך ואחר ראה תראה להסיר את הקסם אשר בעין אחיך׃
מ״ג
כי עץ טוב איננו עשה פרי משחת וגם עץ משחת איננו עשה פרי טוב׃
מ״ד
כי כל עץ נכר בפריו כי אין אספים תאנים מן הקצים אף אין בצרים ענב מן הסנה׃
מ״ה
האיש הטוב מאוצר לבבו הטוב מפיק את הטוב והאיש הרע מאוצר לבבו הרע מפיק את הרע כי משפעת הלב ימלל פיהו׃
מ״ו
ולמה זה אתם קראים לי אדני אדני ואינכם עשים את אשר אני אמר׃
מ״ז
כל הבא אלי ושומע את דברי ועשה אתם אורה אתכם למי הוא דומה׃
מ״ח
דומה הוא לאיש בנה בית אשר העמיק לחפר וייסדו על הסלע וכבוא השטף פרץ הנהר בבית ההוא ולא יכל להניעו כי על הסלע יסודו׃
מ״ט
ואשר שמע ולא עשה דומה לאיש אשר בנה בית על הקרקע בלי יסוד ויפרץ בו הנהר ויפל פתאם ויגדל שבר הבית ההוא׃
קרא פרק מלא ו׳
Settings

Reading Style

Typeface

Font Size 19px

Options