יוחנן מטיף לתשובה ולמשפט

הבְּשׂוֹרָה הַקְּדוֹשָׁה עַל־פִּי לוּקָס ג׳:ז׳-י״ד

ז׳

ויאמר אל המון העם היצאים להטבל על ידו אתם ילדי הצפעונים מי הורה אתכם להמלט מפני הקצף הבא׃

ח׳

לכן עשו פרי הראוי לתשובה ואל תדמו בנפשכם לאמר אברהם הוא אבינו כי אני אמר לכם כי מן האבנים האלה יכל האלהים להקים בנים לאברהם׃

ט׳

וכבר הושם הגרזן על שרש העצים והנה כל עץ אשר איננו עשה פרי טוב יגדע והשלך באש׃

י׳

וישאלהו המון העם לאמר מה אפוא נעשה׃

י״א

ויען ויאמר אליהם מי אשר לו כתנות שתים הוא יחלק לאשר אין לו ומי אשר לו מזון ככה יעשה גם הוא׃

י״ב

ויבאו גם מוכסים להטבל ויאמרו אליו רבי מה נעשה׃

י״ג

ויאמר אליהם אל תגבו יותר מחקכם׃

י״ד

וישאלהו גם אנשי הצבא לאמר ואנחנו מה נעשה ויאמר אליהם איש אל תזעזעו ואל תלשינו איש ויהי די לכם בשכרכם׃