מנחת העומר

וַיִּקְרָא כ״ג:ט׳-י״ד

ט׳

וידבר יהוה אל משה לאמר׃

י׳

דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃

י״א

והניף את העמר לפני יהוה לרצנכם ממחרת השבת יניפנו הכהן׃

י״ב

ועשיתם ביום הניפכם את העמר כבש תמים בן שנתו לעלה ליהוה׃

י״ג

ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃

י״ד

ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃