וַיִּקְרָא י״ט:ל׳-ל״ז

ל׳

את שבתתי תשמרו ומקדשי תיראו אני יהוה׃

ל״א

אל תפנו אל האבת ואל הידענים אל תבקשו לטמאה בהם אני יהוה אלהיכם׃

ל״ב

מפני שיבה תקום והדרת פני זקן ויראת מאלהיך אני יהוה׃

ל״ג

וכי יגור אתך גר בארצכם לא תונו אתו׃

ל״ד

כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃

ל״ה

לא תעשו עול במשפט במדה במשקל ובמשורה׃

ל״ו

מאזני צדק אבני צדק איפת צדק והין צדק יהיה לכם אני יהוה אלהיכם אשר הוצאתי אתכם מארץ מצרים׃

ל״ז

ושמרתם את כל חקתי ואת כל משפטי ועשיתם אתם אני יהוה׃