יושר והגינות

וַיִּקְרָא י״ט:י״א-י״ח

י״א

לא תגנבו ולא תכחשו ולא תשקרו איש בעמיתו׃

י״ב

ולא תשבעו בשמי לשקר וחללת את שם אלהיך אני יהוה׃

י״ג

לא תעשק את רעך ולא תגזל לא תלין פעלת שכיר אתך עד בקר׃

י״ד

לא תקלל חרש ולפני עור לא תתן מכשל ויראת מאלהיך אני יהוה׃

ט״ו

לא תעשו עול במשפט לא תשא פני דל ולא תהדר פני גדול בצדק תשפט עמיתך׃

ט״ז

לא תלך רכיל בעמיך לא תעמד על דם רעך אני יהוה׃

י״ז

לא תשנא את אחיך בלבבך הוכח תוכיח את עמיתך ולא תשא עליו חטא׃

י״ח

לא תקם ולא תטר את בני עמך ואהבת לרעך כמוך אני יהוה׃