תוצאות טומאת הארץ

וַיִּקְרָא י״ח:כ״ד-ל׳

כ״ד

אל תטמאו בכל אלה כי בכל אלה נטמאו הגוים אשר אני משלח מפניכם׃

כ״ה

ותטמא הארץ ואפקד עונה עליה ותקא הארץ את ישביה׃

כ״ו

ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

כ״ז

כי את כל התועבת האל עשו אנשי הארץ אשר לפניכם ותטמא הארץ׃

כ״ח

ולא תקיא הארץ אתכם בטמאכם אתה כאשר קאה את הגוי אשר לפניכם׃

כ״ט

כי כל אשר יעשה מכל התועבות האלה ונכרתו הנפשות העשת מקרב עמם׃

ל׳

ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃