וַיִּקְרָא י״ח:כ״א-כ״ח

כ״א

ומזרעך לא תתן להעביר למלך ולא תחלל את שם אלהיך אני יהוה׃

כ״ב

ואת זכר לא תשכב משכבי אשה תועבה הוא׃

כ״ג

ובכל בהמה לא תתן שכבתך לטמאה בה ואשה לא תעמד לפני בהמה לרבעה תבל הוא׃

כ״ד

אל תטמאו בכל אלה כי בכל אלה נטמאו הגוים אשר אני משלח מפניכם׃

כ״ה

ותטמא הארץ ואפקד עונה עליה ותקא הארץ את ישביה׃

כ״ו

ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

כ״ז

כי את כל התועבת האל עשו אנשי הארץ אשר לפניכם ותטמא הארץ׃

כ״ח

ולא תקיא הארץ אתכם בטמאכם אתה כאשר קאה את הגוי אשר לפניכם׃