וַיִּקְרָא ט״ז:א׳-ז׳

א׳

¶ וידבר יהוה אל משה אחרי מות שני בני אהרן בקרבתם לפני יהוה וימתו׃

ב׳

ויאמר יהוה אל משה דבר אל אהרן אחיך ואל יבא בכל עת אל הקדש מבית לפרכת אל פני הכפרת אשר על הארן ולא ימות כי בענן אראה על הכפרת׃

ג׳

בזאת יבא אהרן אל הקדש בפר בן בקר לחטאת ואיל לעלה׃

ד׳

כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשם׃

ה׳

ומאת עדת בני ישראל יקח שני שעירי עזים לחטאת ואיל אחד לעלה׃

ו׳

והקריב אהרן את פר החטאת אשר לו וכפר בעדו ובעד ביתו׃

ז׳

ולקח את שני השעירם והעמיד אתם לפני יהוה פתח אהל מועד׃