TRV
בְּרֵאשִׁית ט׳:א׳-ז׳
א׳
¶ ויברך אלהים את נח ואת בניו ויאמר להם פרו ורבו ומלאו את הארץ׃
ב׳
ומוראכם וחתכם יהיה על כל חית הארץ ועל כל עוף השמים בכל אשר תרמש האדמה ובכל דגי הים בידכם נתנו׃
ג׳
כל רמש אשר הוא חי לכם יהיה לאכלה כירק עשב נתתי לכם את כל׃
ד׳
אך בשר בנפשו דמו לא תאכלו׃
ה׳
ואך את דמכם לנפשתיכם אדרש מיד כל חיה אדרשנו ומיד האדם מיד איש אחיו אדרש את נפש האדם׃
ו׳
שפך דם האדם באדם דמו ישפך כי בצלם אלהים עשה את האדם׃
ז׳
ואתם פרו ורבו שרצו בארץ ורבו בה׃
Settings