שְׁמֹות ח׳:א׳-ו׳

א׳

¶ ויאמר יהוה אל משה בא אל פרעה ואמרת אליו כה אמר יהוה שלח את עמי ויעבדני׃

ב׳

ואם מאן אתה לשלח הנה אנכי נגף את כל גבולך בצפרדעים׃

ג׳

ושרץ היאר צפרדעים ועלו ובאו בביתך ובחדר משכבך ועל מטתך ובבית עבדיך ובעמך ובתנוריך ובמשארותיך׃

ד׳

ובכה ובעמך ובכל עבדיך יעלו הצפרדעים׃

ה׳

ויאמר יהוה אל משה אמר אל אהרן נטה את ידך במטך על הנהרת על היארים ועל האגמים והעל את הצפרדעים על ארץ מצרים׃

ו׳

ויט אהרן את ידו על מימי מצרים ותעל הצפרדע ותכס את ארץ מצרים׃