שְׁמֹות י״ח:י״ג-י״ח

י״ג

ויהי ממחרת וישב משה לשפט את העם ויעמד העם על משה מן הבקר עד הערב׃

י״ד

וירא חתן משה את כל אשר הוא עשה לעם ויאמר מה הדבר הזה אשר אתה עשה לעם מדוע אתה יושב לבדך וכל העם נצב עליך מן בקר עד ערב׃

ט״ו

ויאמר משה לחתנו כי יבא אלי העם לדרש אלהים׃

ט״ז

כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו׃

י״ז

ויאמר חתן משה אליו לא טוב הדבר אשר אתה עשה׃

י״ח

נבל תבל גם אתה גם העם הזה אשר עמך כי כבד ממך הדבר לא תוכל עשהו לבדך׃