דְּבָרִים ו׳:י׳-ט״ו

י׳

והיה כי יביאך יהוה אלהיך אל הארץ אשר נשבע לאבתיך לאברהם ליצחק וליעקב לתת לך ערים גדלת וטבת אשר לא בנית׃

י״א

ובתים מלאים כל טוב אשר לא מלאת וברת חצובים אשר לא חצבת כרמים וזיתים אשר לא נטעת ואכלת ושבעת׃

י״ב

השמר לך פן תשכח את יהוה אשר הוציאך מארץ מצרים מבית עבדים׃

י״ג

את יהוה אלהיך תירא ואתו תעבד ובשמו תשבע׃

י״ד

לא תלכון אחרי אלהים אחרים מאלהי העמים אשר סביבותיכם׃

ט״ו

כי אל קנא יהוה אלהיך בקרבך פן יחרה אף יהוה אלהיך בך והשמידך מעל פני האדמה׃