דְּבָרִים כ״ב:ט״ו-כ״א
ט״ו
ולקח אבי הנער ואמה והוציאו את בתולי הנער אל זקני העיר השערה׃
ט״ז
ואמר אבי הנער אל הזקנים את בתי נתתי לאיש הזה לאשה וישנאה׃
י״ז
והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃
י״ח
ולקחו זקני העיר ההוא את האיש ויסרו אתו׃
י״ט
וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃
כ׳
ואם אמת היה הדבר הזה לא נמצאו בתולים לנער׃
כ״א
והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל