TRV
2 מְלָכִים כ״א:ג׳-ז׳
ג׳
וישב ויבן את הבמות אשר אבד חזקיהו אביו ויקם מזבחת לבעל ויעש אשרה כאשר עשה אחאב מלך ישראל וישתחו לכל צבא השמים ויעבד אתם׃
ד׳
ובנה מזבחת בבית יהוה אשר אמר יהוה בירושלם אשים את שמי׃
ה׳
ויבן מזבחות לכל צבא השמים בשתי חצרות בית יהוה׃
ו׳
והעביר את בנו באש ועונן ונחש ועשה אוב וידענים הרבה לעשות הרע בעיני יהוה להכעיס׃
ז׳
וישם את פסל האשרה אשר עשה בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם׃
Settings