המצווה לאהוב זה את זה

הָאִגֶּרֶת הָרִאשׁוֹנָה לְיוֹחָנָן הַשָּׁלִיחַ ג׳:י״א-י״ח

י״א

כי זאת היא השמועה אשר שמעתם מראש לאהבה איש את רעהו׃

י״ב

לא כקין אשר היה מן הרע והרג את אחיו ומדוע הרגו יען כי מעשיו היו רעים ומעשי אחיו מעשי צדק׃

י״ג

אל תתמהו אחי אם ישנא אתכם העולם׃

י״ד

אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃

ט״ו

כל השנא את אחיו רצח נפש הוא וידעתם כי כל רצח נפש לא יתקימו בו חיי עולמים׃

ט״ז

בזאת הכרנו את האהבה כי הוא נתן את נפשו בעדנו גם אנחנו חיבים לתת את נפשתינו בעד אחינו׃

י״ז

ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים׃

י״ח

בני אל נא נאהב במלין ובלשון כי אם בפעל ובאמת׃