פסוקים על Early Rising: Once inundated

ויהי המבול ארבעים יום על הארץ וירבו המים וישאו את התבה ותרם מעל הארץ׃

ויגברו המים וירבו מאד על הארץ ותלך התבה על פני המים׃

והמים גברו מאד מאד על הארץ ויכסו כל ההרים הגבהים אשר תחת כל השמים׃

חמש עשרה אמה מלמעלה גברו המים ויכסו ההרים׃

ויגוע כל בשר הרמש על הארץ בעוף ובבהמה ובחיה ובכל השרץ השרץ על הארץ וכל האדם׃

כל אשר נשמת רוח חיים באפיו מכל אשר בחרבה מתו׃

וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבה׃

ויגברו המים על הארץ חמשים ומאת יום׃