Zaburi 121
Msafiri Aangalia Juu 1–2
1
Wimbo wa kwenda juu. Nayainua macho yangu nitazame vilima, msaada wangu utatoka wapi?
2
Msaada wangu hutoka kwa Bwana, Muumba wa mbingu na dunia.
Mlinzi Asiyesinzia 3–6
3
Hatauacha mguu wako uteleze, yeye akulindaye hatasinzia,
4
hakika, yeye alindaye Israeli hatasinzia wala hatalala usingizi.
5
Bwana anakulinda, Bwana ni uvuli wako mkono wako wa kuume,
6
jua halitakudhuru mchana, wala mwezi wakati wa usiku.
Ulinzi wa Milele na Kamili 7–8
7
Bwana atakukinga na madhara yote, atayalinda maisha yako,
8
Bwana atakulinda unapoingia na unapotoka, tangu sasa na hata milele.
Maandiko ya Biblia: Biblica® Open Kiswahili Contemporary Version (Neno: Bibilia Takatifu)™, © 1984, 1989, 2009, 2015 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.
Study note