Levitiku 24:17-23

Ligjet e ndëshkimit dhe drejtësisë

Levitiku 24:17-23

Ligjet e ndëshkimit dhe drejtësisë

17
Kush ia heq jetën një njeriu, do të vritet.
18
Kush rreh për vdekje një kafshë, do ta paguajë: jetë për jetë.
19
Kur dikush i shkakton një dëmtim fqinjit të tij, ai do të pësojë po atë që i ka bërë tjetrit;
20
thyerje për thyerje, sy për sy, dhëmb për dhëmb; ai do të pësojë po atë gjymtim që u ka shkaktuar të tjerëve.
21
Kush rreh për vdekje një kafshë, do ta paguajë; por ai që ia heq jetën një njeriu do të vritet.
22
Do të keni të njëjtin ligj për të huajin dhe për atë që ka lindur në vend; sepse unë jam Zoti, Perëndia juaj".
23
Pastaj Moisiu u foli bijve të Izraelit, të cilët e çuan jashtë kampit atë blasfemues dhe e vranë me gurë. Kështu bijtë e Izraelit vepruan ashtu si e kishte urdhëruar Zoti Moisiun.
Lexo Kapitullin e Plotë 24

Shih gjithashtu

Ku tjetër e thotë këtë Shkrimi.

  • Eksodi 12:49

    Do të ketë një ligj të vetëm për atë që ka lindur në vend dhe për të huajin që banon me ju".
    nga vargu 22

  • Ligji i Përtërirë 19:11

    Por në rast se një njeri urren të afërmin e tij, i zë pritë, e sulmon dhe e plagos për vdekje, dhe pastaj strehohet në një nga këto qytete,
    nga vargu 17

  • Ligji i Përtërirë 19:12

    pleqtë e qytetit të tij do të dërgojnë ta marrin që andej dhe do t'ia dorëzojnë hakmarrësit të gjakut që të vritet.
    nga vargu 17

  • Zanafilla 9:5

    Unë do të kërkoj sigurisht llogari për gjakun e jetëve tuaja dhe këtë do t'ia kërkoj çdo kafshe dhe njeriu. Do t'i kërkoj llogari për jetën e njeriut dorës së çdo vëllai të njeriut.
    nga vargu 17

  • Zanafilla 9:6

    Cilido që derdh gjakun e një njeriu, gjaku i tij do të derdhet nga një njeri, sepse Perëndia e ka krijuar njeriun simbas shëmbëlltyrës së tij.
    nga vargu 17

  • Numrat 9:14

    Në rast se një i huaj që banon në mes jush kremton Pashkën e Zotit, ai duhet ta bëjë mbas statuteve dhe dekreteve të Pashkës. Ju do të keni një statut të vetëm për të huajin dhe për atë që ka lindur në vend".
    nga vargu 22

  • Numrat 15:15

    Do të ketë një statut të vetëm për gjithë asamblenë, për ju dhe për të huajin që banon midis jush; do të jetë një statut i përjetshëm për të gjithë brezat tuaj; ashtu siç jeni ju, ashtu do të jetë edhe i huaji përpara Zotit.
    nga vargu 22

  • Numrat 15:16

    Do të jetë po ai ligj dhe po ai dekret për ju dhe për të huajin që banon me ju".
    nga vargu 22

  • Levitiku 24:21

    Kush rreh për vdekje një kafshë, do ta paguajë; por ai që ia heq jetën një njeriu do të vritet.
    nga vargu 18

  • Ligji i Përtërirë 19:21

    Syri yt nuk do të ketë mëshirë, por do t'i përmbahet rregullit jetë për jetë, sy për sy, dhëmb për dhëmb, dorë për dorë, këmbë për këmbë".
    nga vargu 19

  • Mateu 5:38

    Ju keni dëgjuar se qe thënë: "Sy për sy dhe dhëmb për dhëmb".
    nga vargu 19

  • Levitiku 19:34

    Të huajin që banon midis jush ta trajtoni njëlloj si ai që ka lindur midis jush; ti do ta duash si veten tënde, sepse edhe ju ishit të huaj në vendin e Egjiptit. Unë jam Zoti, Perëndia juaj.
    nga vargu 22
Settings

Reading Style

Typeface

Font Size 19px

Options