בְּרֵאשִׁית י״ב:י״ד

מציג את פסוק י״ד עם ההקשר הסובב.

י״א

ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את׃

י״ב

והיה כי יראו אתך המצרים ואמרו אשתו זאת והרגו אתי ואתך יחיו׃

י״ג

אמרי נא אחתי את למען ייטב לי בעבורך וחיתה נפשי בגללך׃

י״ד

ויהי כבוא אברם מצרימה ויראו המצרים את האשה כי יפה הוא מאד׃

ט״ו

ויראו אתה שרי פרעה ויהללו אתה אל פרעה ותקח האשה בית פרעה׃

ט״ז

ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים׃

י״ז

וינגע יהוה את פרעה נגעים גדלים ואת ביתו על דבר שרי אשת אברם׃